കൊച്ചി: മലങ്കര ഡാമിലെ സ്പില് വേ ഷട്ടറുകള് തിങ്കളാഴ്ച തുറക്കുമെന്ന് മുന്നറിയിപ്പ്. ജലനിരപ്പ് താഴ്ത്തി ക്രമീകരിക്കുന്നതിന്റെ ഭാഗമായാണ് ജില്ലാ ഭരണകൂടത്തിന്റെ നടപടി. രാവിലെ പത്ത് മണിക്ക് നാല്പ്പത് സെന്റിമീറ്റര് വീതമായിരിക്കും ഉയര്ത്തകയെന്ന് ജില്ലാ ഭരണകൂടം അറിയിച്ചു.
23.73 ക്യുമെക്സ് ജലം അധികമായി പുറത്തേക്ക് ഒഴുക്കാനാണ് നിശ്ചയിച്ചിരിക്കുന്നത്. തൊടുപുഴ/മൂവാറ്റുപുഴ പുഴകളുടെ ഇരുതീരങ്ങളിലും താമസിക്കുന്നവര് ജാഗ്രത പുലര്ത്തേണ്ടതാണെന്ന് എംവിഐപി എക്സിക്യൂട്ടീവ് എന്ജിനീയര് അറിയിച്ചു. അടുത്ത അഞ്ച് ദിവസത്തേക്ക് സംസ്ഥാന വ്യാപകമായി മഴ പെയ്യുമെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഈ പശ്ചാത്തലത്തില് സംസ്ഥാനത്തെ അഞ്ചു ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.