ശ്രീനഗര്‍: ജമ്മു കാഷ്മീരിലെ ഷോപ്പിയാനില്‍ സിആര്‍പിഎഫിന്‍റെയും പോലീസിന്‍റെയും സംയുക്ത സംഘത്തിന് നേരെ ഭീകരര്‍ വെടിയുതിര്‍ത്തു. ഷോപ്പിയാനിലെ ഷൂഗൂര്‍ പാലത്തിന് സമീപമാണ് ആക്രമണം. ആര്‍ക്കും പരിക്കില്ലെന്ന് ജമ്മു കാഷ്മീര്‍ പോലീസ് അറിയിച്ചു.
സിആര്‍‌പി‌എഫ് സൈനികര്‍ തിരിച്ചടിച്ചെങ്കിലും ഭീകരര്‍ രക്ഷപ്പെട്ടു. ഭീകരര്‍ക്കായി പ്രദേശം വളഞ്ഞ് തെരച്ചില്‍ ആരംഭിച്ചതായി മുതിര്‍ന്ന പോലീസ് ഉദ്യോഗസ്ഥന്‍ പറഞ്ഞു. ആക്രമണത്തിന് പിന്നില്‍ ആരെന്ന് വ്യക്തമായിട്ടില്ല.
