മലപ്പുറം: കോവിഡ് 19 വ്യാപനം തടയുന്നതിന്റെ ഭാഗമായി മലപ്പുറം ജില്ലയില് ഇന്നലെ മുതല് 42 പേര്ക്കു കൂടി പ്രത്യേക നിരീക്ഷണം ഏര്പ്പെടുത്തി. ഇതോടെ ജില്ലയില് നിരീക്ഷണത്തിലുള്ളവരുടെ എണ്ണം 1,524 ആയതായി ജില്ലാ കളക്ടര് ജാഫര് മലിക് അറിയിച്ചു. 17 പേരാണ് വിവിധ ആശുപത്രികളില് നിരീക്ഷണത്തില് കഴിയുന്നത്. കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവണ്മെന്റ് മെഡിക്കല് കോളജ് ആശുപത്രിയില് 16 പേരും നിലന്പൂര് ജില്ലാ ആശുപത്രിയില് ഒരാളുമാണ് ഐസൊലേഷനിലുള്ളത്. 1,454 പേരാണ് ഇപ്പോള് വീടുകളില് നിരീക്ഷണത്തില് കഴിയുന്നത്. 53 പേര് കോവിഡ് കെയര് സെന്ററുകളിലും സ്വയം നിരീക്ഷണത്തില് കഴിയുന്നു.
കോവിഡ് 19 ബാധിച്ച് മഞ്ചേരി മെഡിക്കല് കോളജ് ആശുപത്രിയിലെ ഐസൊലേഷന് കേന്ദ്രത്തില് രണ്ടു പേരാണ് നിലവില് ചികിത്സയില് കഴിയുന്നത്. ഇവരുടെ ആരോഗ്യനില തൃപ്തികരമാണെന്ന് ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു.
ജില്ലയില് ഇതുവരെ 22 പേര്ക്ക് വൈറസ് ബാധ സ്ഥിരീകരിച്ചു. ഇതില് നാലു മാസം പ്രായമായ കുട്ടി മാത്രമാണ് രോഗബാധിതയായിരിക്കെ മരിച്ചത്. 19 പേര്ക്ക് വിദഗ്ധ ചികിത്സയ്ക്കു ശേഷം രോഗം ഭേദമായി. 18 പേരാണ് രോഗം ഭേദമായി വീടുകളിലേക്ക് മടങ്ങിയത്.
