ചാലക്കുടി രാജീവ് വധക്കേസില് മുതിര്ന്ന അഭിഭാഷകന് സി പി ഉദയഭാനുവിന്റെ മുന്കൂര് ജാമ്യാപേക്ഷ വിധി പറയാന് മാറ്റി. തിങ്കളാഴ്ചത്തേയ്ക്കാണ് മാറ്റിയിരിക്കുന്നത്. ജാമ്യാപേക്ഷയിന്മേല് പ്രോസിക്യൂഷന്റേയും പ്രതിഭാഗത്തിന്റേയും വാദം പൂര്ത്തിയായി.
ജസ്റ്റീസ് എ ഹരിപ്രസാദിന്റെ അധ്യക്ഷതയിലുള്ള ബെഞ്ചാണ് ജാമ്യാപേക്ഷ പരിഗണിച്ചത്. രാജീവിന്റെ കൊലപാതകത്തില് തനിക്ക് പങ്കില്ലെന്നും കേസില് ബോധപൂര്വം കുടുക്കാനാണ് പൊലീസിന്റെ ശ്രമമെന്നുമാണ് ഉദയഭാനുവിന് വേണ്ടി ഹാജരായ അഭിഭാഷകന് കോടതിയെ അറിയിച്ചത്.
എന്നാല് ഉദയഭാനുവിനെതിരെ ശക്തമായ തെളിവുണ്ടെന്ന് പ്രോസിക്യൂഷന് കോടതിയെ അറിയിച്ചു. ഉദയഭാനുവിനെ കസ്റ്റഡിയില് എടുക്കണമെന്നും വിശദമായി ചോദ്യം ചെയ്യണമെന്നും പ്രോസിക്യൂഷന് ആവശ്യപ്പെട്ടു. കേസിലെ അഞ്ചാം പ്രതി ചക്കര ജോണിയുമായുള്ള ഫോണ് സംഭാഷണത്തിന്റെ രേഖകള് ഉദയഭാനുവിന് ഗൂഢാലോചനയില് പങ്കുണ്ടെന്നതിന്റെ തെളിവാണെന്നും പ്രോസിക്യൂഷന് വാദിച്ചു.
FLASHNEWS