ന്യൂഡല്ഹി: കോണ്ഗ്രസ് നേതാവ് ഗുലാംനബി ആസാദിന് ജമ്മുകാഷ്മീരിലേക്ക് പോകാന് സുപ്രീംകോടതി അനുമതി നല്കി. ശ്രീനഗര്, ബാരമുള്ള, അനന്ത്നാഗ്, ജമ്മു എന്നിവിടങ്ങളില് അദ്ദേഹത്തിന് സന്ദര്ശനം നടത്താമെന്നാണ് സുപ്രീംകോടതി വ്യക്തമാക്കിയിട്ടുള്ളത്.
അതേസമയം, ഇവിടങ്ങളില് റാലികള് സംഘടിപ്പിക്കുകയോ പ്രസംഗിക്കുകയോ ചെയ്യരുതെന്നും സുപ്രീംകോടതി നിര്ദേശിച്ചിട്ടുണ്ട്. കാഷ്മീരില് സന്ദര്ശനം നടത്താനുള്ള അനുമതി നല്കണമെന്നാവശ്യപ്പെട്ട് ഗുലാംനബി ആസാദ് സമര്പ്പിച്ച ഹര്ജി പരിഗണിക്കവേയാണ് ചീഫ് ജസ്റ്റീസ് രഞ്ജന് ഗോഗോയ് ഇക്കാര്യങ്ങള് വ്യക്തമാക്കിയത്.
