ക്രിസ്റ്റ്യാനോ റൊണാൾഡോയുടെ പോർച്ചുഗലും റോബർട്ട് ലെവൻഡോവ്സ്കിയുടെ പോളണ്ടും സാദിയോ മാനേ യുടെ സെനഗലും ഉൾപ്പെടെ 7 ടീമുകൾ കൂടി ഖത്തർ ലോകകപ്പിന് യോഗ്യത നേടി.
വടക്കൻ മാസിഡോണിയയെ 2-0 ന് തോൽപിച്ചാണ് പറങ്കിപ്പടയുടെ ഖത്തർ യോഗ്യത. പോളണ്ട് 2-0 ന് സ്വീഡനെ പരാജയപ്പെടുത്തി. ആഫ്രിക്കൻ യോഗ്യതാ റൗണ്ടിൽ മുഹമ്മദ് സലായുടെ ഈജിപ്തിനെ തോൽപിച്ചാണ് സാദിയോ മാനേയുടെ സെനഗൽ ഖത്തർ ടിക്കറ്റ് ഉറപ്പാക്കിയത്.
ആഫ്രിക്കയിൽ നിന്നും ഘാന, ടുണീഷ്യ, മൊറോക്കോ, കാമറൂൺ ടീമുകളും യോഗ്യത ഉറപ്പാക്കി. ഇനിയുള്ള 5 ടീമുകളെ അറിയാൻ ജൂൺ വരെ കാത്തിരിക്കണം.