തൃശൂര്‍: കവിതാ വിവാദത്തില്‍ കേരളവര്‍മ കോളജിലെ അധ്യാപിക ദീപാ നിശാന്തിനെതിരേ വിമര്‍ശനവുമായി എഴുത്തുകാരന്‍ ടി. പത്മനാഭന്‍ രംഗത്ത്. ദീപ കവിത മോഷ്ടിച്ചതായുള്ള വാര്‍ത്ത കേട്ട് ദുഖം തോന്നി. ഇവര്‍ക്ക് കുട്ടികളെ പഠിപ്പിക്കാന്‍ അര്‍ഹതയുണ്ടോയെന്നും അദ്ദേഹം ചോദിച്ചു.
സിപിഎം അധ്യാപക സംഘടനയായ കെഎസ്ടിഎ നടത്തിയ വിദ്യാഭ്യാസ മഹോത്സവ വേദിയിലായിരുന്ന പത്മനാഭന്‍റെ വിമര്‍ശനം. ബാലാമണിയമ്മയും സുഗതകുമാരിയും വിഹരിച്ച മേഖലയിലാണ് ഇത്തരമൊരു സംഭവമുണ്ടായതെന്നും പത്മനാഭന്‍ കൂട്ടിച്ചേര്‍ത്തു.
