കൊല്ലം : കരുനാഗപ്പള്ളിയിൽ ലോറികൾ കൂട്ടിയിടിച്ച് ഒരാൾ മരിച്ചു. കരുനാഗപള്ളി തൊടിയൂർ വിളയിൽ വീട്ടിൽ ഹുസൈൻ (52) ആണ് മരിച്ചത്. നിർത്തിയിട്ടിരുന്ന കണ്ടെയ്നർ ലോറിക്ക് പിന്നിൽ ചുടുകട്ട കയറ്റി വന്ന ലോറിയിടിക്കുകയായിരുന്നു. അപകടത്തിൽ രണ്ടു പേർക്ക് പരിക്കേറ്റു.
പുലർച്ചെ ലാലാജി ജംഗ്ഷന് സമീപമായിരുന്നു അപകടം. ഫയർഫോഴ്സെത്തി ലോറിയുടെ മുൻ വശം വെട്ടിപൊളിച്ചാണ് മരിച്ചയാളെ പുറത്തെടുത്തത്. ക്യാബിനിലുണ്ടായിരുന്ന മറ്റ് രണ്ടു പേർക്കാണ് പരിക്കേറ്റത്. ഇവരെ ആശുപത്രിയിലേക്ക് മാറ്റി.
ഗൾഫിൽ ജോലിയിലായിരുന്ന ഹുസൈൻ രണ്ട് മാസം മുമ്പാണ് നാട്ടിലെത്തിയത്. മൃതദേഹം കരുനാഗപ്പള്ളി താലൂക്ക് ആശുപത്രിയിൽ. കരുനാഗപ്പള്ളി പോലീസ് സ്ഥലത്തെത്തി മേൽ നടപടികൾ സ്വീകരിച്ചു.ccident