ന്യൂഡൽഹി: രാജ്യത്ത് കോവിഡ് വ്യാപനം ഏറ്റവും രൂക്ഷമായിട്ടുള്ളത് കേരളത്തിലെന്ന് കേന്ദ്ര ആരോഗ്യമന്ത്രാലയം. കോവിഡ് വ്യാപനം കൂടിയ രാജ്യത്തെ 22 ജില്ലകളിൽ ഏഴ് എണ്ണവും കേരളത്തിലാണ്. സംസ്ഥാനത്തെ പത്ത് ജില്ലകളിൽ 10 ശതമാനത്തിന് മുകളിലാണ് ടിപിആർ എന്നും ആരോഗ്യമന്ത്രാലയം അറിയിച്ചു.
കേരളത്തിൽ മഴക്കാല രോഗങ്ങൾ പടരുകയാണ്. മറ്റ് രോഗങ്ങളുടെ വ്യാപനം കൂടി വന്നാൽ കോവിഡ് പ്രതിരോധം ദുഷ്കരമാകും എന്നത് ഗൗരവത്തോടെ കാണണമെന്നും ആരോഗ്യമന്ത്രാലയം മുന്നറിയിപ്പ് നൽകി. കേരളത്തിലേക്ക് കൂടുതൽ വാക്സിൻ ഉടൻ എത്തിക്കുമെന്നും കേന്ദ്ര ആരോഗ്യമന്ത്രി മൻഷൂഖ് മാണ്ഡവ്യ അറിയിച്ചു