ജില്ലയിലെ കൊലപാതക പരമ്പരയ്ക്ക് കാരണം പോലീസിന്‍റെ വീഴ്ചയാണെന്ന് മുസ്‌ലിം ലീഗ് ജില്ലാ പ്രസിഡന്‍റ് എ.എം.നസീർ. സമാധാന അന്തരീക്ഷം നിലനിക്കുമ്പോഴാണ് എസ്ഡിപിഐ പ്രവർത്തകന്‍റെ കൊലപാതകം നടന്നത്. നാടിന്‍റെ സമാധാന അന്തരീക്ഷം തകർക്കാനുള്ള ഗുഢശ്രമമായിരുന്നു ഇത്.
ആലപ്പുഴ നഗരത്തിൽ ശനിയാഴ്ച ആർഎസ്എസ് നേതാവ് വത്സൻ തില്ലങ്കേരി ഉൾപ്പെടെയുള്ളവർ നടത്തിയ വർഗീയ പ്രസംഗം ആക്രമണത്തിന് പിന്തുണ നൽകിയോ എന്ന് പൊലീസ് പരിശോധിക്കണം.
എസ്ഡിപിഐ പ്രവർത്തകന്‍റെ കൊലപാതകത്തിന് പിന്നാലെ നടന്ന ബിജെപി നേതാവിന്‍റെ കൊലപാതകം പോലീസിന്‍റെ ഗുരുതര വീഴ്ച കാരണമാണ്. നാടിന്‍റെ സമാധാന അന്തരീക്ഷം നിലനിർത്താൻ എല്ലാവരും ഒരുമിച്ച് നിൽക്കണമെന്നും ലീഗ് ആവശ്യപ്പെട്ടു
