ലഖ്നൗ: രാമക്ഷേത്ര നിര്മ്മാണ പ്രവര്ത്തനങ്ങള് വിലയിരുത്താന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് അയോദ്ധ്യയിലെ രാമജന്മഭൂമി സന്ദര്ശിക്കും. ഇന്ന് ഉച്ചയ്ക്ക് ശേഷമാണ് മുഖ്യമന്ത്രിയുടെ സന്ദര്ശനമെന്ന് ജില്ലാ മജിസ്ട്രേറ്റ് അനൂജ് കുമാര് ഝാ വ്യക്തമാക്കി. ചില ക്ഷേത്രങ്ങളിലും സന്ദര്ശനം നടത്തും.അയോദ്ധ്യയുടെ വിവിധ ഭാഗങ്ങളില് നടക്കുന്ന വികസന പ്രവര്ത്തനങ്ങളുടെ പുരോഗതിയും മുഖ്യമന്ത്രി പരിശോധിക്കും.
കൊവിഡ് വ്യാപനത്തെ തുടര്ന്നുള്ള ലോക്ക് ഡൗണ് നടപ്പാക്കിയതിന് ശേഷം രണ്ടാം തവണയാണ് യോഗി ആദിത്യ നാഥ് രാമജന്മഭൂമി സന്ദര്ശിക്കുന്നത്. ഹനുമാന് ഗാരി ക്ഷേത്രത്തിലും യോഗി ആദിത്യനാഥ് എത്തുമെന്നാണ് വിവരം. മാര്ച്ച് 25ന് രാംല്ലലാ വിഗ്രഹം മാറ്റി സ്ഥാപിച്ചപ്പോഴാണ് ഇതിനു മുമ്ബ് യോഗി ഇവിടെയത്തിയത്. രാമക്ഷേത്ര നിര്മ്മാണത്തിനായി 11 ലക്ഷം രൂപ വ്യക്തിപരമായി യോഗി ആദിത്യനാഥ് നല്കിയിട്ടുണ്ട്. സന്ദര്ശനത്തിന് ശേഷം ലഖ്നൗവില് തിരിച്ചെത്തുന്ന മുഖ്യമന്ത്രി ബി.ജെ.പി നേതാക്കളുമായി കൂടിക്കാഴ്ച നടത്തും.
