ന്യൂഡല്ഹി: കേരളത്തില് കാലവര്ഷക്കെടുതികള് ആവര്ത്തിക്കുന്നതു ദുഃഖകരവും ആശങ്കാജനവുമാണെന്ന് രാഷ്ട്രപതി രാംനാഥ് കോവിന്ദ്. പ്രകൃതിദുരന്തങ്ങള് കുറയ്ക്കുന്നതിനായി കൂടുതല് ശാസ്ത്രീയ പഠനങ്ങളും മുന്കരുതലും രാജ്യത്ത് സ്വീകരിക്കേണ്ടതുണ്ടെന്നും രാഷ്ട്രപതി പറഞ്ഞു.
സ്വാതന്ത്ര്യദിനത്തോടനുബന്ധിച്ച് രാഷ്ട്രപതിഭവനില് നടന്ന അറ്റ് ഹോം വിരുന്നിനിടെയായിരുന്നു കോവിന്ദിന്റെ പ്രതികരണം. എന്നാല് കേരളത്തിലെ മഴക്കെടുതികളെക്കുറിച്ച് പ്രധാനമന്ത്രി നരേന്ദ്ര മോദി മൗനം തുടര്ന്നു. നൂറിലേറെ പേര് മരിക്കുകയും വലിയ നാശനഷ്ടങ്ങളുണ്ടാവുകയും ചെയ്ത കേരളത്തിലേക്കു പോകുമോയെന്ന ചോദ്യത്തോട് പ്രതികരിക്കാന് പ്രധാനമന്ത്രി തയാറായില്ല.
