മുംബൈ: കേന്ദ്രമന്ത്രി പിയൂഷ് ഗോയലിന്റെ വീട്ടിലെ കമ്ബ്യൂട്ടര് മോഷ്ടിച്ച് വിവരങ്ങള് ചോര്ത്തിയ വീട്ടു ജോലിക്കാരന് അറസ്റ്റില്. ഡല്ഹി സ്വദേശി വിഷ്ണു കുമാര് (25) ആണ് അറസ്റ്റിലായത്. ഗോയലിന്റെ മുംബൈയിലെ വീട്ടിലാണ് മോഷണം നടന്നത്.
കമ്ബ്യൂട്ടര് മോഷ്ടിച്ച് അതിലെ വിവരങ്ങള് അജ്ഞാതന് കൈമാറുകയായിരുന്നു. ചൊവ്വാഴ്ച ഡല്ഹിയില്നിന്നാണ് ഇയാള് അറസ്റ്റിലായത്. സെപ്റ്റംബര് 19 ന് ആണ് മോഷണം പുറത്തറിയുന്നത്. മുംബൈയ്ക്കു വെളിയില് യാത്രപോയിരുന്ന ഗോയലിന്റെ ഭാര്യ തിരിച്ചെത്തിയപ്പോഴാണ് മോഷണ വിവരം അറിയുന്നത്. വീട്ടിലെ വെള്ളിപാത്രങ്ങള്, തുണികള് തുടങ്ങി വിലപിടിപ്പുള്ള നിരവധി സാധനങ്ങള് മോഷണം പോയിരുന്നു. ഗോയലിന്റെ പേഴ്സണല് കമ്ബ്യൂട്ടറില്നിന്ന് ഇ-മെയില് വഴി വിവരങ്ങള് വിഷ്ണു കുമാര് അജ്ഞാതന് കൈമാറിയതായി പോലീസ് പറയുന്നു. മോഷണത്തിനു ശേഷം വിഷ്ണു കുമാറിനെ കാണാനില്ലായിരുന്നു.
