കുവൈത്ത് : കുവൈത്ത് പാര്‍ലമെന്റിന്റെ ശൈത്യ കാല സമ്മേളനത്തിന് ഗംഭീര തുടക്കം. സമ്മേളനത്തിന്റെ ഉദ്ഘാടനം അമീര്‍ ശൈഖ് സബാഹ് അല്‍ അഹ്മദ് അല്‍ ജാബിര്‍ അസ്സബാഹ് നിര്‍വഹിച്ചു. സെക്രട്ടറിയെ തെരഞ്ഞെടുക്കുക, പാര്‍ലമെന്റ് നിരീക്ഷകനെ തെരഞ്ഞെടുക്കുക, ഓഡിറ്റ് ബ്യൂറോ പ്രസിഡന്‍റ് നോമിനേഷന്‍, സ്റ്റാന്‍ഡിങ് കമ്മിറ്റി അംഗങ്ങളെ തെരഞ്ഞെടുക്കുക, ഇടക്കാല സമിതി രൂപവത്കരണത്തിനുള്ള അപേക്ഷ സമര്‍പ്പിക്കുക, പുതിയ നവീകരണ പ്രവര്‍ത്തനങ്ങളെക്കുറിച്ചുള്ള ആലോചനകള്‍ തുടങ്ങിയ വിഷയങ്ങളും സെഷന്‍ അജണ്ടയില്‍ ഉള്‍പ്പെടുത്തിയിട്ടുണ്ട്.
