കുവൈറ്റില് വാഹന ഉടമക്ക് ഡ്രൈവിംഗ് ലൈസന്സ് നിര്ബന്ധമാക്കി .മാത്രമല്ല, ഉടമയുടെ ലൈസന്സ് അസാധുവാക്കപെട്ടാല് ഇനിമുതല് വാഹന രജിസ്ട്രേഷന് പുതുക്കാനുമാവില്ലെന്നുമാണ് റിപ്പോര്ട്ടുകള്. വാഹനപ്പെരുപ്പവും ഗതാഗതക്കുരുക്കും നിയന്ത്രിക്കുന്നതിന്റെ ഭാഗമായാണ് പുതിയ നടപടി.
സ്വദേശികള്ക്കും വിദേശികള്ക്കും പുതിയ നിയമം ബാധകമായിരിക്കും. ഡ്രൈവിംഗ് ലൈസന്സ് ഇല്ലാത്തവരുടെ പേരിലുള്ള വാഹനങ്ങളുടെ രജിസ്ട്രേഷന് റദ്ദാക്കാനുള്ള നടപടികളും മന്ത്രാലയം ആരംഭിച്ചിട്ടുണ്ട്. വിദേശികള് ഡ്രൈവിങ് ലൈസന്സ് സമ്ബാദിക്കാനുള്ള വ്യവസ്ഥകള് പാലിക്കാത്ത ജോലിയിലേക്ക് മാറുകയാണെങ്കില് നിലവിലെ ലൈസന്സ് അസാധുവാകും. ഇത്തരക്കാരുടെ പേരിലുള്ള വാഹനത്തിന്റെ രജിസ്ട്രേഷന് പുതുക്കാന് പുതിയ തീരുമാനപ്രകാരം അനുവദിക്കില്ല.
കുവൈത്തില് ഡ്രൈവിങ് ലൈസന്സ് ഉള്ളവരുടെ എണ്ണം 27 ലക്ഷം കവിയുകയും വാഹനപെരുപ്പം മൂലം ഗതാഗതക്കുരുക്ക് രൂക്ഷമാക്കുകയും ചെയ്ത പശ്ചാത്തലത്തിലാണ് പുതിയ നടപടികള്.
