കീര്‍ത്തി സുരേഷ് നായികയാകുന്ന സൈക്കോളജിക്കല്‍ ത്രില്ലറായ പെന്‍ഗ്വിന്‍ ജൂണ്‍ 19ന് ആമസോണ്‍ പ്രൈമില്‍ റിലീസ് ചെയ്യും . ഒരേസമയം തമിഴിലും തെലുങ്കിലുമായി ഒരുങ്ങുന്ന ചിത്രം മലയാളത്തിലും മൊഴി മാറ്റം ചെയ്തു റിലീസ് ചെയ്യം. സംവിധായകന്‍ കാര്‍ത്തിക് സുബ്ബരാജിന്റെ ഉടമസ്ഥതയിലുള്ള സ്റ്റോണ്‍ ബഞ്ച് ഫിലിംസ് നിര്‍മിക്കുന്ന ചിത്രത്തില്‍ മദംപട്ടി രംഗരാജ്, ലിംഗ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഇൗശ്വര്‍ കാര്‍ത്തിക്കാണ് ഇൗ ചിത്രം തിരക്കഥയെഴുതി സംവിധാനം ചെയ്യുന്നത്. കീര്‍ത്തിയെ മികച്ച നടിക്കുള്ള ദേശീയ അവാര്‍ഡിനര്‍ഹയാക്കിയ തെലുങ്ക് ചിത്രം മഹാനദിക്കുശേഷം താരത്തിന് ലഭിക്കുന്ന അഭിനയ പ്രാധാന്യമുള്ള ചിത്രമാണ് പെന്‍ഗ്വിന്‍. മലയാളത്തില്‍ മരയ്ക്കാര്‍ അറബിക്കടലിന്റെ സിംഹമാണ് കീര്‍ത്തിയുടേതായി റിലീസാകാനുള്ളത്.
