കൊച്ചി: കാവ്യാമാധവന്റെ വസ്ത്ര വ്യാപാര കേന്ദ്രത്തില് പോലീസ് റെയ്ഡ് നടത്തിയത് പള്സര് സുനി പകര്ത്തിയ നടിയുടെ ദൃശ്യങ്ങള് അടങ്ങിയ മെമ്മറി കാര്ഡ് തേടി. മെമ്മറി കാര്ഡ് കാവ്യയുടെ സ്ഥാപനത്തില് ഏല്പ്പിച്ചെന്ന പള്സര് സുനി മൊഴിയെ തുടര്ന്നാണ് പോലീസ് റെയ്ഡ് നടത്തിയത്. കൂട്ടുപ്രതി വിജീഷാണ് മെമ്മറി കാര്ഡ് കൈമാറിയതെന്നും സുനി മൊഴി നല്കിയിരുന്നു. മെമ്മറി കാര്ഡില് നടിയെ പീഡിപ്പിക്കുന്നതിന്റെ ദൃശ്യങ്ങളുണ്ടെന്നാണ് വിവരം. കാവ്യമാധവന്റെ ഉടമസ്ഥതയില് കാക്കനാട് മാവോലിപുരത്തുള്ള ഓണ്ലൈന് വസ്ത്രവ്യാപാര സ്ഥാപനത്തില് വെള്ളിയാഴ്ച്ചയാണ് പോലീസ് പരിശോധന നടത്തിയത്. പണമിടപാടുകളും കംപ്യൂട്ടറിലെ വിവരങ്ങളും സി.സി.ടി.വി ദൃശ്യങ്ങളുമാണ് കാര്യമായി പരിശോധിച്ചത്.കാവ്യാമാധവന്റെ വെണ്ണലയിലെ വില്ലയിലും ശനിയാഴ്ച്ച പോലീസ് പരിശോധന നടത്തിയിരുന്നു.
