ചെന്നൈ: കാവേരി മാനേജ്മന്റ് ബോര്ഡ് രൂപീകരിക്കണമെന്നാവശ്യപ്പെട്ട് കഴിഞ്ഞ ദിവസം മറുമലര്ച്ചി ദ്രാവിഡ മുന്നേറ്റ കഴകം സ്ഥാപക നേതാവ് വൈകോയുടെ അനന്തരവന് സ്വയം തീ കൊളുത്തി. ശരവണ സുരേഷ് എന്ന 50കാരനാണ് തീകൊളുത്തിയത്. ഗുരുതരമായി പൊള്ളലേറ്റ ഇയാള് ആശുപത്രിയില് ചികിത്സയിലാണ്.
വെള്ളിയാഴ്ചയാണ് സംഭവം. വിരുദ്നഗറില് താമസിക്കുന്ന ശരവണ് രാവിെല നടക്കാനിറങ്ങിയതായിരുന്നു. അവിടെ നിന്ന് ചെന്നൈയിലെത്തിയാണ് മണ്ണെണ്ണ ഒഴിച്ച് തീകൊളുത്തിയത്. 80 ശതമാനത്തോളം പൊള്ളലേറ്റിട്ടുണ്ട്.ശരവണ് രക്ഷപ്പെടുമെന്ന പ്രതീക്ഷ തനിക്ക് നഷ്ടപ്പെട്ടു. പ്രവര്ത്തകള് സ്വയം ഹനിക്കുന്ന തരത്തില് പ്രതിഷേധിക്കരുത്. പ്രതിഷേധം സമാധാനപരമാകണമെന്നും വൈകോ പ്രവര്ത്തകരോട് ആവശ്യപ്പെട്ടു.