ന്യൂഡല്‍ഹി: കര്‍ത്താര്‍പുര്‍ ഇടനാഴിയുടെ പ്രവര്‍ത്തനത്തിനായി ഇന്ത്യയും പാകിസ്താനും കരാറില്‍ ഒപ്പുവെച്ചു. കര്‍ത്താപൂരിലെ സീറോ പോയിന്‍റില്‍ വെച്ചാണ് കരാറില്‍ ഒപ്പുവെച്ചത്. ഇന്ത്യയിലെ സിഖ് തീര്‍ഥാടകര്‍ക്ക് പാകിസ്താനിലെ ദര്‍ബാര്‍ സാഹിബ് സന്ദര്‍ശിക്കാന്‍ അവസരമൊരുക്കുന്ന ഇടനാഴിയാണ് കര്‍താപുര്‍.
കരാര്‍ പ്രകാരം ഇന്ത്യയിലെ തീര്‍ഥാടകര്‍ക്ക് പാകിസ്താനിലെ ഗുരുദ്വാര ദര്‍ബാര്‍ സാഹിബ് സന്ദര്‍ശിക്കുന്നത് അനുമതിയുണ്ട്. 5000 തീര്‍ഥാടകര്‍ക്കാവും ഒരു ദിവസം സന്ദര്‍ശാനുമതി നല്‍കുക. ഇതിന് വിസ ആവശ്യമില്ല. 20 ഡോളറാണ് തീര്‍ഥാടകര്‍ക്ക് ഫീസായി ചുമത്തുക.
സിഖ് മത സ്ഥാപകന്‍ ഗുരുനാനാക് അവസാനകാലം ജീവിച്ച പാകിസ്താനിലെ കര്‍താര്‍പുര്‍ ഗുരുദ്വാര്‍ ദര്‍ബാര്‍ സാഹിബിലേക്ക് ഇന്ത്യയിലെ ഗുരുദാസ്പുര്‍ ജില്ലയില്‍ നിന്നുള്ള ഇടനാഴിയാണ് കര്‍ത്താപൂര്‍.
