കൊച്ചി: കേരള ബ്ലാസ്റ്റേഴ്സിന്റെ സൂപ്പര് താരം ബര്ത്തലോമിയ ഓഗ്ബച്ചെ ക്ലബ് വിട്ടു. അടുത്ത സീസണില് മുംബൈ സിറ്റിക്കായി അദ്ദേഹം ബൂട്ടുകെട്ടും. കേരള ബ്ലാസ്റ്റേഴ്സിനായി ഏറ്റവുമധികം ഗോള് നേടിയ താരമാണ് ഓഗ്ബച്ചെ.
കഴിഞ്ഞ സീസണില് ബ്ലാസ്റ്റേഴ്സ് നേടിയ 29 ഗോളുകളില് 15 ഗോളുകളും നൈജീരിയന് സ്ട്രൈക്കറുടെ കാലില്നിന്നായിരുന്നു. ബ്ലാസ്റ്റേഴ്സിനായി ഏറ്റവുമധികം ഗോള് നേടിയ താരമെന്ന നേട്ടം ഇയാന് ഹ്യൂമില്നിന്നു സ്വന്തമാക്കുകയും ചെയ്തു.
നോര്ത്ത് ഈസ്റ്റ് യുണൈറ്റഡില് നിന്നാണ് ഓഗ്ബച്ചെ ബ്ലാസ്റ്റേഴ്സിലെത്തിയത്. പിഎസ്ജിയുടെ യൂത്ത് ടീമിലൂടെയാണ് അദ്ദേഹം വളര്ന്നത്.