ഭോപ്പാല്: രാജ്യത്തിന്റെ വിവിധ ഭാഗങ്ങളില് കുടുങ്ങിക്കിടക്കുന്ന മധ്യപ്രദേശില് നിന്നുള്ള ഒരു ലക്ഷം തൊഴിലാളികളെ പ്രത്യേക ട്രെയിനുകളില് തിരിച്ചുകൊണ്ടുവരുമെന്ന് മുഖ്യമന്ത്രി ശിവരാജ് സിംഗ് ചൗഹാന്. ഇതുസംബന്ധിച്ച് റെയില്വേ മന്ത്രിയുമായി ചര്ച്ച നടത്തിയിട്ടുണ്ടെന്നും ചൗഹാന് പറഞ്ഞു.
വിവിധ സ്ഥലങ്ങളില് കുടുങ്ങിക്കിടക്കുന്ന മധ്യപ്രദേശില് നിന്നുള്ള തൊഴിലാളികളുടെ ആവശ്യമായ വിവരങ്ങള് റെയില്വേ മന്ത്രാലയത്തിന് നല്കണമെന്നും അഡീഷണല് ചീഫ് സെക്രട്ടറി ഐ.സി.പി. കേശാരിക്ക് ചൗഹാന് നിര്ദേശം നല്കി. തൊഴിലാളികള്ക്ക് സുഖമായി യാത്ര ചെയ്യുന്നതിനും ഭക്ഷണത്തിനുമുള്ള ക്രമീകരണങ്ങള് നടത്തണമെന്നും ചൗഹാന് നിര്ദേശിച്ചു. സംസ്ഥാന സര്ക്കാര് ഇതുവരെ 40,000 തൊഴിലാളികളെ മറ്റ് സംസ്ഥാനങ്ങളില് നിന്ന് ബസുകളില് തിരിച്ചുകൊണ്ടുവന്നിട്ടുണ്ടെന്നും ചൗഹാന് കൂട്ടിച്ചേര്ത്തു.
മധ്യപ്രദേശില്നിന്നുള്ള ഒരു ലക്ഷത്തിലധികം തൊഴിലാളികള് മറ്റ് സംസ്ഥാനങ്ങളില് കുടുങ്ങിക്കിടക്കുകയാണെന്ന് കേശാരിയും പറഞ്ഞു.