ടോക്കിയോ: ഒളിമ്ബിക്സ് ബോക്സിംഗില് ഇന്ത്യയുടെ മേരി കോമിന് മുന്നേറ്റം. വനിതകളുടെ ഫ്ലൈവെയ്റ്റ് വിഭാഗത്തില് മേരി കോം പ്രീക്വാര്ട്ടറില് കടന്നു. ഡൊമനിക്കന് റിപ്പബ്ലിക് താരം മിഗ്വേലിന ഹെര്ണാണ്ടസായിരുന്നു എതിരാളി. 4-1 ന് അനായാസമായാണ് തന്നെക്കാള് 15 വയസ് ഇളപ്പുള്ള എതിരാളിയെ ഇന്ത്യന് ബോക്സര് പരാജയപ്പെടുത്തിയത്.
അടുത്ത റൗണ്ടില് കൊളംബിയയുടെ ഇന്ഗ്രിറ്റ് വലെന്സിയയാണ് മേരി കോമിന്റെ എതിരാളി. റിയോ ഒളിമ്ബിക്സിലെ വെങ്കലമെഡല് ജേതാവാണ് വലെന്സിയ. ഇരുവരും നേരത്തെ ഒരു തവണ നേര്ക്കുനേര് വന്നപ്പോള് വിജയം മേരി കോമിനൊപ്പമായിരുന്നു.