വീട്ടമ്മ ആത്മഹത്യക്ക് ശ്രമിച്ച സംഭവത്തില്‍ കോവളം എം.എല്‍.എ എം. വിന്‍സെന്‍റിനെതിരെ പീഡന ശ്രമത്തിന് ബാലരാമപുരം പൊലീസ് കേസെടുത്തു. നേരത്തെ എം.എല്‍.എക്കെതിരെ ആത്മഹത്യ പ്രേരണ കുറ്റത്തിന് പൊലീസ് കേസ് രജിസ്റ്റര്‍ ചെയ്തിരുന്നു.
കേസിെന്‍റ അന്വേഷണച്ചുമതല കൊല്ലം സിറ്റി പൊലീസ് കമീഷണര്‍ അജിതാബീഗത്തിന് സംസ്ഥാന പൊലീസ് മേധാവി കൈമാറിയിരുന്നു. ബുധനാഴ്ച രാവിലെയാണ് ഗുളിക കഴിച്ച്‌ അബോധാവസ്ഥയിലായ വീട്ടമ്മയെ നെയ്യാറ്റിന്‍കരയിലെ സ്വകാര്യ ആശുപത്രിയില്‍ പ്രവേശിപ്പിച്ചത്.
ഭര്‍ത്താവാണ് എം.എല്‍.എക്കെതിരെ നെയ്യാറ്റിന്‍കര സി.ഐക്ക് പരാതി നല്‍കിയത്. അയല്‍വാസിയായ വീട്ടമ്മയോട് നാലുമാസമായി നിരന്തരം എം.എല്‍.എ ഫോണിലൂടെ അശ്ലീല സംഭാഷണം നടത്തിയെന്നാണ് പരാതി. ഇക്കാര്യത്തില്‍ പലതവണ എം.എല്‍.എക്ക് താക്കീത് നല്‍കിയെങ്കിലും അതു തുടര്‍െന്നന്നും ഭര്‍ത്താവ് ബാലരാമപുരം എസ്.ഐക്ക് മൊഴി നല്‍കി. ഇതിെന്‍റ അടിസ്ഥാനത്തില്‍ ബാലരാമപുരം പൊലീസ് 294 (ബി), 501(1), 560,120 എന്നീ വകുപ്പുകളനുസരിച്ചാണ് കേസെടുത്തത്.
