ന്യൂഡല്‍ഹി: ഉത്തരാഖണ്ഡില്‍ മേഘവിസ്ഫോടനത്തെത്തുടര്‍ന്നുണ്ടായ കനത്ത മഴയിലും മണ്ണിടിച്ചിലിലും മരിച്ചവരുടെ എണ്ണം 34 ആയി. തകര്‍ന്നു കിടക്കുന്ന കെട്ടിട അവശിഷ്ടങ്ങള്‍ക്കിടയിലും വെള്ളപ്പൊക്ക മേഖലയിലും നിരവധിയാളുകള്‍ കുടുങ്ങി കിടക്കുന്നതായി സൂചനയുണ്ട്.
പ്രധാനമന്ത്രി നരേന്ദ്ര മോദിയും ആഭ്യന്തരമന്ത്രി അമിത്ഷായും സ്ഥിതിഗതികള്‍ വിലയിരുത്തി. വീടുകളും പാലങ്ങളും തകര്‍ന്ന നിലയിലാണ്. രക്ഷാപ്രവര്‍ത്തനത്തിനായി സൈന്യത്തിന്‍റെ മൂന്ന് ഹെലികോപ്റ്ററുകള്‍ വിന്യസിച്ചുവെന്ന് മുഖ്യമന്ത്രി പുഷ്‌ക്കര്‍ സിംഗ് ധാമി അറിയിച്ചു.
ദുരന്തത്തില്‍ 34 പേര്‍ മരിച്ചു. അഞ്ച് പേരെ കാണാതായി. മരിച്ചവരുടെ കുടുംബങ്ങള്‍ക്ക് നാല് ലക്ഷം രൂപ നഷ്ടപരിഹാരം നല്‍കും. വീട് നഷ്ടപ്പെട്ടവര്‍ക്ക് 1.9 ലക്ഷവും നല്‍കുമെന്ന് അദ്ദേഹം വ്യക്തമാക്കി.
