ഇന്ത്യൻ സൂപ്പർ ലീഗ് (ഐഎസ്എല്) മത്സരത്തില് ഇന്ന് കൊല്ക്കത്തയിലെ വിവേകാനന്ദ യുബ ഭാരതി ക്രിരംഗനില് വെച്ച് കേരള ബ്ലാസ്റ്റേഴ്സ് ഈസ്റ്റ് ബംഗാളിനെ നേരിടും.ഇന്ന് ഇന്ത്യൻ സമയം വൈകുന്നേരം 7:30 ന് നടക്കുന്ന മത്സരം ജിയോ സിനിമയില് കാണാം.
നിലവില് 17 മത്സരങ്ങളില് നിന്ന് 21 പോയിന്റുമായി കേരള ബ്ലാസ്റ്റേഴ്സ് എട്ടാം സ്ഥാനത്താണ്. അതേസമയം, സീസണില് ഇതുവരെ നാല് വിജയങ്ങളും രണ്ട് സമനിലകളും നേടിയ ഈസ്റ്റ് ബംഗാള് 16 കളികളില് നിന്ന് 14 പോയിന്റുമായി പതിനൊന്നാം സ്ഥാനത്താണ്.
തുടർച്ചയായ മൂന്ന് തോല്വികള്ക്ക് ശേഷമാണ് ഈസ്റ്റ് ബംഗാള് മത്സരത്തിലേക്ക് കടക്കുന്നത്. കേരള ബ്ലാസ്റ്റേഴ്സിന്റെ പുതിയ സൈനിംഗ് ലഗാറ്റോർ ഇന്ന് ആദ്യ ഇലവനില് ഉണ്ടാകും എന്ന് പ്രതീക്ഷിക്കുന്നു.
