രാജ്യത്തെ പ്രതിദിന കോവിഡ് രോഗികളുടെ എണ്ണം രണ്ട് മാസത്തിനുള്ളിലെ ഏറ്റവും താഴ്ന്ന നിലയില്. ഇന്ത്യയില് കഴിഞ്ഞ 24 മണിക്കൂറിനുള്ളില് രോഗബാധിതരേക്കാള് കൂടുതല് പേര് രോഗമുക്തി നേടി. 24 മണിക്കൂറിനിടെ 55,342 പേര്ക്കാണ് കോവിഡ് സ്ഥിരീകരിച്ചത്. ഇതോടെ ആകെ കോവിഡ് ബാധിതരുടെ എണ്ണം 71.75 ലക്ഷമായി. ആഗസ്റ്റ് 18 ന് ശേഷം ആദ്യമായാണ് പ്രതിദിന രോഗികളുടെ എണ്ണം 55,000ത്തില് എത്തിയിരിക്കുന്നത്.
കഴിഞ്ഞ 24 മണിക്കൂറിനിടെ 706 മരണങ്ങളും റിപ്പോര്ട്ട് ചെയ്തു. രാജ്യത്തെ കോവിഡ് മരണനിരക്ക് 1.5 ശതമാനമായി. രാജ്യത്ത് ഇതുവരെ 1,09, 856 മരണമാണ് റിപ്പോര്ട്ട് ചെയ്തിട്ടുള്ളത്.
കഴിഞ്ഞ 24 മണിക്കൂറിനുള്ളില് 77,760 പേര് രോഗമുക്തി നേടി. ഇതോടെ രാജ്യത്ത് രോഗമുക്തി നേടിയവരുടെ എണ്ണം 62, 27, 296 ആയി.ഇന്ത്യയുടെ കോവിഡ് രോഗമുക്തി നിരക്ക് 86.8 ശതമാനമായി ഉയര്ന്നു.
അതേസമയം നിലവിലുള്ള കോവിഡ് രോഗികളുടെ എണ്ണം 8.38 ലക്ഷമായി കുറഞ്ഞു. തുടര്ച്ചയായ അഞ്ചാം ദിവസമാണ് സജീവമായ കോവിഡ് കേസുകള് 9 ലക്ഷത്തില് താഴെയായി തുടരുന്നത്.
ഇന്ത്യയുടെ ശരാശരി പ്രതിവാര കോവിഡ് പോസിറ്റീവ് നിരക്ക് 8.4 ശതമാനത്തില് നിന്ന് 6.3 ശതമാനമായി കുറഞ്ഞിട്ടുണ്ട്.
FLASHNEWS