ന്യൂഡല്ഹി: ലോക്സഭാ സ്പീക്കറായി രാജസ്ഥാനില്നിന്നുള്ള ബിജെപി എംപി ഓം ബിര്ളയെ ഏകകണ്ഠമായി തെരഞ്ഞെടുത്തു. എതിര്സ്ഥാനാര്ഥിയെ മത്സരിപ്പിക്കേണ്ടെന്ന് പ്രതിപക്ഷം തീരുമാനിച്ച സാഹചര്യത്തില് ആണ് ഓം ബിര്ളയെ ഏകകണ്ഠമായാണ് തെരഞ്ഞെടുത്തത്. രാജസ്ഥാനിലെ കോട്ട മണ്ഡലത്തില് നിന്നുള്ള എംപിയാണ് ഓം ബിര്ള. ഓം ബിര്ളയെ സ്പീക്കര് സ്ഥാനത്തേക്ക് എന്ഡിഎ കഴിഞ്ഞ ദിവസം നാമനിര്ദേശം ചെയ്തിരുന്നു. രണ്ടാം തവണ എംപി ആകുന്ന ഓം ബിര്ള മൂന്നു തവണ രാജസ്ഥാന് നിയമസഭയില് കോട്ട-ബൂന്ദി മണ്ഡലത്തെ പ്രതിനിധീകരിച്ച എംഎല്എ ആയിരുന്നു. എന്ഡിഎ യോഗത്തില് പ്രധാനമന്ത്രി നരേന്ദ്ര മോദിയാണ് ഓം ബിര്ളയുടെ നാമം നിര്ദേശിച്ചത്.
FLASHNEWS