തിരുവനന്തപുരം: സംസ്ഥാനത്ത് കോവിഡ് സ്ഥിരീകരിക്കപ്പെട്ടവരുടെ എണ്ണം ആശങ്കാജനകമായി വര്ധിക്കുന്നു. തുടര്ച്ചയായ രണ്ടാം ദിവസവും നൂറിലധികം പേര്ക്ക് കോവിഡ് സ്ഥിരീകരിച്ചു. ഇന്ന് സംസ്ഥാനത്ത് 127 പേര്ക്ക് ആണ് കോവിഡ് സ്ഥിരീകരിച്ചത്.
രോഗികളുടെ എണ്ണത്തില് ഏറ്റവും വലിയ പ്രതിദിന വര്ധനവാണ് ഇന്നുണ്ടായത്. എല്ലാ ജില്ലകളിലും ഇന്ന് കോവിഡ് കേസുകള് റിപ്പോര്ട്ടു ചെയ്തു എന്ന പ്രത്യേകതയുമുണ്ട്. ഇന്ന് 57 പേരാണ് രോഗമുക്തി നേടിയത്. രോഗം സ്ഥിരീകരിച്ചവരില് 87 പേര് വിദേശത്തുനിന്നും വന്നവരും 36 പേര് മറ്റ് സംസ്ഥാനങ്ങളില്നിന്നും എത്തിയവരുമാണ്.