ഗുംല: ജാര്‍ഖണ്ഡില്‍ പ്രായപൂര്‍ത്തിയാകാത്ത രണ്ട് ആദിവാസി പെണ്‍കുട്ടികളെ പീഡിപ്പിച്ച കേസിലെ എല്ലാ പ്രതികളും പിടിയില്‍. ഒളിവില്‍ കഴിഞ്ഞിരുന്ന ഏഴു പേരെ കൂടി പോലീസ് അറസ്റ്റ് ചെയ്തു. ഗുംല ജില്ലയില്‍ ഈ മാസം 15നാണ് സംഭവം നടന്നത്.
ദുര്‍ഗ പൂജ ചടങ്ങുകള്‍ക്ക് ശേഷം വീട്ടിലേക്കു മടങ്ങുകയായിരുന്ന ബന്ധുക്കളായ രണ്ടു പെണ്‍കുട്ടികളെ 10 പേര്‍ ചേര്‍ന്നാണ് പീഡിപ്പിച്ചത്. ഇവര്‍ പോലീസില്‍ നല്‍കിയ പരാതിയുടെ അടിസ്ഥാനത്തില്‍ രണ്ടു പേരെ അറസ്റ്റ് ചെയ്തിരുന്നു. ഇതിനിടെ പ്രതികളിലൊരാള്‍ ജീവനൊടുക്കുകയും ചെയ്തു.
തുടര്‍ന്ന് നടത്തിയ അന്വേഷണത്തിലാണ് ഒളിവില്‍ കഴിഞ്ഞ ഏഴു പേരെ കൂടി പോലീസ് പിടികൂടിയത്. 19നും 26നും ഇടയില്‍ പ്രായമുള്ളവരാണ് എല്ലാ പ്രതികളും. പീഡനത്തില്‍ ഗുരുതര പരിക്കേറ്റ പെണ്‍കുട്ടികള്‍ ആശുപത്രിയില്‍ ചികിത്സയിലാണ്.
