ആദായ നികുതി റിട്ടേണ് ഫയല് ചെയ്തവരുടെ എണ്ണത്തില് വന് വര്ധന. കേന്ദ്ര സര്ക്കാര് നടപ്പാക്കിയ നോട്ട് റദ്ദാക്കലിനെ തുടര്ന്നാണ് ആദായ നികുതി റിട്ടേണ് സമര്പ്പിച്ചവരുടെ എണ്ണം ഉയര്ന്നതെന്ന് സര്ക്കാര് അവകാശപ്പെട്ടു.
2015-16 സാമ്പത്തിക വര്ഷം 2.26 കോടി റിട്ടേണുകളാണ് സമര്പ്പിച്ചിരുന്നത്. എന്നാല്, 2016-17ല് 2.82 കോടി ആയാണ് ഉയര്ന്നിരിക്കുന്നത്. ഈ മാസം അഞ്ച് ആയിരുന്നു റിട്ടേണ് സമര്പ്പിക്കാനുള്ള അവസാന തീയതി.
നോട്ട് റദ്ദാക്കല്, കള്ളപ്പണം തടയല് തുടങ്ങിയ നടപടികളുടെ ഫലമാണ് റിട്ടേണ് ഉയര്ന്നത്. 2,82,92,955 റിട്ടേണുകളാണ് ഓഗസ്റ്റ് അഞ്ച് വരെ നടത്തിയിരിക്കുന്നത്. കഴിഞ്ഞ വര്ഷം ഇത് 2,26,97,843 ആയിരുന്നു.
