ആഗ്രയില് ഇലക്ട്രിക് സ്കൂട്ടറിന് തീപിടിച്ച് രണ്ടു മരണം. ജഗദീഷ്പുരയിലെ മൊഹല്ല ലക്ഷ്മി നഗറിലെ ഒരു വീട്ടിലാണ് സംഭവം.നിമിഷങ്ങള്ക്കുള്ളില് തന്നെ തീ വീടാകെ പടര്ന്നു. അപകടത്തില് വൃദ്ധ ദമ്ബതികള് മരിച്ചു. പോലീസും അഗ്നിശമന സേനയും സ്ഥലത്തെത്തി തീ നിയന്ത്രണവിധേയമാക്കി.ജഗദീഷ്പുരയിലെ മൊഹല്ല ലക്ഷ്മി നഗറില് പ്രമോദ് അഗര്വാളിന് രണ്ട് നില വീടുണ്ട്.
പ്രമോദ് അഗര്വാള് കുടുംബത്തോടൊപ്പം വീടിന്റെ മുകളിലത്തെ നിലയിലാണ് താമസിക്കുന്നത്. മാതാപിതാക്കള് താഴത്തെ നിലയിലാണ് താമസിക്കുന്നത്.ചൊവ്വാഴ്ച പുലര്ച്ചെ 3:30 ഓടെ, വീട്ടില് ചാര്ജ് ചെയ്തിരുന്ന ഇലക്ട്രിക് സ്കൂട്ടറില് ഉണ്ടായ ഷോര്ട്ട് സര്ക്യൂട്ടാണ് തീപിടുത്തത്തിന് കാരണമായത്. നിമിഷങ്ങള്ക്കുള്ളില്, തീ വീടിനെ വിഴുങ്ങി.പ്രമോദ് അഗര്വാളിന്റെ 95 വയസ്സുള്ള അച്ഛന് ഭഗവതി പ്രസാദ് അഗര്വാളിനും 85 വയസ്സുള്ള അമ്മ ഊര്മിള ദേവിക്കും തീപിടുത്തത്തില് ഗുരുതരമായി പൊള്ളലേറ്റു.
വിവരം ലഭിച്ചയുടന് പോലീസും അഗ്നിശമന സേനയും സ്ഥലത്തെത്തി തീ അണച്ചു.വൃദ്ധ ദമ്ബതികളെ ചികിത്സയ്ക്കായി എസ്എന് മെഡിക്കല് കോളേജിലേക്ക് അയച്ചു. ചികിത്സയ്ക്കിടെ ഇരുവരും മരിച്ചു. വീടിന്റെ മുകളിലത്തെ നിലയില് കുടുങ്ങിയ ബന്ധുക്കളെ സുരക്ഷിതമായി ഒഴിപ്പിച്ചു.
