കൊച്ചി: മഹാരാജാസ് കോളജിലെ അഭിമന്യു സ്മാരകം അനധികൃതമാണെന്ന വാദവുമായി കേരള സര്ക്കാര് ഹൈക്കോടതിയില് . എസ്എഫ്ഐ സ്മാരകം നിര്മിച്ചതിന് ശേഷമാണ് കോളജ് ഗവേണിംഗം കൗണ്സിലിനെ വിദ്യാര്ഥികള് സമീപിച്ചതെന്നും ഇത് ശരിയായ രീതിയല്ലെന്നും സര്ക്കാര് കോടതിയെ ബോധ്യപ്പെടുത്തി . അഭിമന്യുവിന് സ്മാരകം സ്ഥാപിക്കുന്നതുമായി ബന്ധപ്പെട്ട കേസ് പരിഗണിക്കവെയാണ് സര്ക്കാരിന്റെ വിശദീകരണം.
വിദ്യാര്ത്ഥിയുടെ സ്മാരകത്തിന് അനുമതിയുണ്ടോ എന്നും ഇക്കാര്യത്തില് സര്ക്കാര് നിലപാട് എന്താണെന്നും വിശദീകരിക്കണമെന്ന് നേരത്തെ കോടതി നിര്ദേശിച്ചിരുന്നു. കാമ്ബസില് വിദ്യാര്ഥി നേതാക്കളുടെ സ്മാരകം നിര്മിക്കാന് അവകാശമില്ലെന്ന് വിധിക്കണമെന്ന് ആവശ്യപ്പെട്ട് വിദ്യാര്ഥികളായ കെ.എം. അംജിത്ത്, കാര്മല് ജോസ് എന്നിവര് ഹൈക്കേടതി ഡിവിഷന് ബെഞ്ചിനെ സമീപിച്ചിരുന്നു. ഈ ഹര്ജി പരിഗണിക്കുന്നതിനിടയിലാണ് സ്റ്റേറ്റ് അറ്റോര്ണി കോടതിയില് സര്ക്കാര് നിലപാട് വിശദീകരിച്ചത്.