ന്യൂഡൽഹി: അനാവശ്യ പ്രസ്താവനകൾ ഒഴിവാക്കണമെന്നു പുതിയ മന്ത്രിമാരോടു പ്രധാനമന്ത്രി നരേന്ദ്ര മോദി. ജോലിയിൽ ശ്രദ്ധ കേന്ദ്രീകരിക്കണമെന്നും വാർത്തകളിൽ നിറഞ്ഞു നിൽക്കാനുള്ള ത്വര ഒഴിവാക്കണമെന്നും അദ്ദേഹം ആവശ്യപ്പെട്ടു.
സമയത്തിന് ഓഫീസിൽ വരികയും സമൂഹത്തിന്റെ താഴേക്കിടയിലുള്ളവരുടെ ക്ഷേമത്തിനു പ്രാധാന്യം നൽകുകയും വേണം. കോവിഡ് മഹാമാരി ഒഴിഞ്ഞു പോയിട്ടില്ല. ലോകരാജ്യങ്ങളിൽ പലയിടത്തും കോവിഡ് കേസുകൾ വീണ്ടും കൂടുകയാണെന്നും അലംഭാവം ആപത്താണെന്നും മോദി പറഞ്ഞു.