പാവപ്പെട്ടവര്ക്ക് കുറഞ്ഞ ചെലവില് ഭക്ഷണം നല്കാന് തമിഴ്നാട്ടില് ജയലളിത ആരംഭിച്ച അമ്മ കാന്റീന് മാതൃക അനുകരിച്ച് രാജസ്ഥാന് സര്ക്കാരും.
അന്നപൂര്ണ രസോയി യോജന എന്ന പേരിലാണ് രാജസ്ഥാനിലെ പദ്ധതി. ആദ്യ സംരംഭം വ്യാഴാഴ്ച ജയ്പുര് മുന്സിപ്പല് കോര്പ്പറേഷനില് രാജസ്ഥാന് മുഖ്യമന്ത്രി വസുന്ധര രാജ ഉദ്ഘാടനം ചെയ്തു.
പ്രഭാത ഭക്ഷണത്തിന് അഞ്ച് രൂപയും ഉച്ച ഭക്ഷണത്തിനും രാത്രി ഭക്ഷണത്തിനും എട്ട് രൂപയുമാണ് നിരക്ക്. ഭക്ഷണം തയ്യാറാക്കി വിവിധ കേന്ദ്രങ്ങളില് വാഹനങ്ങളിലെത്തിച്ചാണ് വിതരണം. 12 ജില്ലകളിലെ 80 സ്ഥലങ്ങളിലാണ് ആദ്യഘട്ടത്തില് പദ്ധതി നടപ്പിലാക്കിയിരിക്കുന്നത്. ഇതിനായി പ്രത്യേകം തയ്യാര് ചെയ്ത വാനുകളും നിരത്തിലിറക്കി.
