അമ്മയുടെ മര്ദ്ദനമേറ്റ് മൂന്ന് വയസുകാരന് മരിച്ച സംഭവം സങ്കടകരമെന്ന് ആരോഗ്യമന്ത്രി കെ കെ ഷൈലജ. ആശുപത്രിയില് നിന്ന് ആരോഗ്യവാനായി മടങ്ങുന്ന കുട്ടിയെ രക്ഷിതാക്കള്ക്ക് സംരക്ഷിക്കാനാകില്ലെങ്കില് ഏറ്റെടുക്കാനുള്ള നടപടികള് വരെ ആലോചിച്ചിരുന്നുവെന്നും എന്നാല് അതിനൊന്നും കാത്തുനില്ക്കാതെ ആ കുഞ്ഞ് മടങ്ങിയെന്നും ശൈലജ പറഞ്ഞു.
കുടുംബത്തില്നിന്നാണ് കുഞ്ഞുങ്ങള്ക്ക് സംരക്ഷണം ലഭിക്കേണ്ടത്. അച്ഛനും അമ്മയും അവരെ സംരക്ഷിക്കണം. എന്നാല് ആധുനിക കാലത്ത് കുട്ടികള് വീടിനുള്ളില് പോലും സുരക്ഷിതരല്ല. കേരളത്തെ അപേക്ഷിച്ച് മറ്റ് സംസ്ഥാനങ്ങളില് കുട്ടികള് ആക്രമിക്കപ്പെടുന്നത് കൂടുതലാണ്. എന്നാല് കേരളത്തിലേത് പെട്ടന്ന് പുറം ലോകം അറിയുന്നു. അതുകൊണ്ടുതന്നെ കേരളം കൂടുതല് ശ്രദ്ധിക്കണം. കേരളത്തിലേത് പരിഷ്കൃത സമൂഹമാണ്.
ഇപ്പോള് നിലവിലുള്ള അണുകുടംബ വ്യവസ്ഥയില് തങ്ങളുടെ ഇഷ്ടങ്ങള് രക്ഷിതാക്കള് കുഞ്ഞുങ്ങളെ അടിച്ചേല്പ്പിക്കുന്ന രീതി കണ്ട് വരുന്നുണ്ട്. കുട്ടികള്ക്ക് സംഭവിക്കുന്ന പ്രശ്നങ്ങള് പുറത്തു കൊണ്ടുവരാന് സര്ക്കാര് പദ്ധതികള് നടപ്പിലാക്കുന്നുണ്ട്.
