അട്ടപ്പാടി: ആദിവാസി യുവാവ് മധു മര്ദനമേറ്റു മരിച്ച സംഭവത്തെത്തുടര്ന്ന് മന്ത്രി എ.കെ. ബാലന്, പ്രതിപക്ഷ നേതാവ് രമേശ് ചെന്നിത്തല, ബിജെപി സംസ്ഥാന പ്രസിഡന്റ് കുമ്മനം രാജശേഖരന്, മുന് കെപിസിസി പ്രസിഡന്റ് വിഎം സുധീരന് എന്നിവര് ഇന്ന് അട്ടപ്പാടിയില് എത്തും.
കഴിഞ്ഞ ദിവസം വൈകുന്നേരമാണ് കടുകുമണ്ണ ആദിവാസി ഊരിലെ മധുവിനെ നാട്ടുകാര് കടകളില് നിന്ന് സാധനങ്ങള് മോഷ്ടിക്കുന്നുവെന്ന് ആരോപിച്ച് മര്ദ്ദിച്ചത്. മാനസികസ്വാസ്ഥ്യമുള്ള മധു ഏറെക്കാലമായി ഊരിന് പുറത്താണ് താമസിച്ചിരുന്നത്. കാട്ടിനുള്ളില് നിന്ന് പിടികൂടിയ മധുവിനെ അവിടെ വെച്ചു തന്നെ മര്ദ്ദിച്ചു.
ഉടുത്തിരുന്ന കൈലി മുണ്ട് അഴിച്ച് കൈയ്യില് കെട്ടിയ ശേഷമായിരുന്നു നാട്ടുകാരുടെ ക്രൂരത. പിന്നീട് മുക്കാലിയില് കൊണ്ടുവരികയും ഇയാള് മോഷ്ടിച്ചതെന്ന് പറയുന്ന അരിയും മഞ്ഞള് പൊടിയും പോലുള്ള സാധനങ്ങള് എടുത്തുകൊണ്ടുവരികയും ചെയ്തു. നാട്ടുകാര് ഏറെ നേരം മര്ദ്ദിച്ച ശേഷമാണ് ഇയാളെ പൊലീസിന് കൈമാറിയത്. പൊലീസ് എത്തി വാഹനത്തില് കയറ്റിയപ്പോഴേക്കും മധു ഛര്ദ്ദിച്ചു. പിന്നീട് ആശുപത്രിയില് എത്തിച്ചെങ്കിലും ജീവന്
