ബീഫിന്‍റെ പേരില്‍ രാജ്യത്തുടനീളം സംഭവിക്കുന്ന ആക്രമണങ്ങള്‍ക്കെതിരേ മന്ത്രി കെ.ടി.ജലീല്‍. ബീഫിന്‍റെ പേരില്‍ തന്നെ കൊല്ലുന്നെങ്കില്‍ വെടിവച്ചോ കത്തികൊണ്ട് കുത്തിയോ ഒരു നിമിഷംകൊണ്ട് കൊല്ലണമെന്നും കണ്ണില്‍ചോരയില്ലാതെ നടുറോഡിലിട്ട് പേപ്പട്ടിയെ തല്ലിക്കൊല്ലുന്നതുപോലെ ആകരുതെന്നും മന്തി പറഞ്ഞു.
മാന്യമായി ജീവിക്കാനുള്ള അവകാശം അധികാരപ്പെട്ടവര്‍ നിഷേധിക്കുന്പോള്‍ മാന്യമായി മരിക്കാനെങ്കിലും അവസരം നല്‍കണം. ബീഫിന്‍റെ പേരില്‍ 28 പേര്‍ കൊലപ്പെട്ടതിന് ശേഷമാണ് പശുവിന്‍റെ പേരില്‍ ആരേയും കൊലപ്പെടുത്തരുതെന്ന് ഉരിയാടാന്‍ പ്രധാനമന്ത്രി തയാറായതെന്നും അദ്ദേഹം കുറ്റപ്പെടുത്തി.
