മുസ്ലിം ലീഗ് സംസ്ഥാന സെക്രട്ടറി കെ.എം. ഷാജി എം.എല്.എയുടെ വീട് പൊളിച്ച് നീക്കാന് കോഴിക്കോട് കോര്പ്പറേഷന് നോട്ടീസ് നല്കി. കോഴിക്കോട് ചേവായൂരിലുള്ളവീട് കെട്ടിട നിര്മാണചട്ടങ്ങള് ലംഘിച്ചാണ് നിര്മിച്ചതെന്ന് ചൂണ്ടിക്കാട്ടിയാണ് കോര്പറേഷന് നടപടി. കോര്പറേഷന് അനുമതി നല്കിയ പ്ലാനിേനക്കാള് വിസ്തീര്ണം കൂട്ടി വീട് നിര്മിച്ചുവെന്ന് കണ്ടെത്തിയതിനെ തുടര്ന്നാണ് അധികഭാഗം െപാളിച്ചു നീക്കണമെന്നാവശ്യപ്പെട്ട് നോട്ടീസ് നല്കിയിരിക്കുന്നത്.
അഴീക്കോട് ഹൈസ്കൂളില് പ്ലസ് ടു കോഴ്സ് അനുവദിക്കാന് കോഴ വാങ്ങിയെന്ന കേസില് എന്ഫോഴ്സ്െമന്റ് ഡയറക്ടറേറ്റിെന്റ നിര്ദേശ പ്രകാരം കോര്പറേഷന് അധികൃതര് കഴിഞ്ഞ ദിവസം എം.എല്.എയുടെ വീട് അളന്നിരുന്നു. പരിശോധനയില് 3000 ചതുരശ്ര അടിയില് താഴെ വിസ്തീര്ണമുള്ള വീട് നിര്മിക്കാന് അനുമതി വാങ്ങി എം.എല്.എ, 5260 ചതുരശ്ര അടി വലുപ്പമുള്ള വീടുണ്ടാക്കിയെന്ന് കണ്ടെത്തി. ഇതെ തുടര്ന്നാണ് കോര്പറേഷെന്റ തുടര് നടപടി.
അഴിമതിയില് കേസെടുത്ത ഇ.ഡി എം.എല്.എയുടെ വീടിെന്റ നിര്മാണ വിവരങ്ങള് തേടുകയും ചെയ്തിരുന്നു. കോഴ വാങ്ങിയതായി പറയുന്ന 2014 കാലഘട്ടത്തിലാണ് വീടുനിര്മാണം നടന്നത് എന്ന വിവരത്തിെന്റ അടിസ്ഥാനത്തിലായിരുന്നു നടപടി. എം.എല്.എയുടെ ചേവായൂര് മാലൂര്കുന്നിലെ വീടിെന്റ പെര്മിറ്റ്, പ്ലാന്, കംപ്ലീഷന്, നികുതി എന്നിവ സംബന്ധിച്ച രേഖകള് സഹിതം ബന്ധപ്പെട്ട ഉദ്യോഗസ്ഥര് ഈമാസം 27ന് ഇ.ഡിയുടെ കോഴിക്കോട്ട് ഒാഫിസില് എത്തണമെന്നായിരുന്നു നിര്ദേശം.
പരിശോധനയില് വീടുനിര്മാണം സംബന്ധിച്ച് കോര്പറേഷന് ഫയലില് കംപ്ലീഷന് സര്ട്ടിഫിക്കറ്റിെന്റ ഭാഗത്ത് റിജക്ട് എന്നാണുള്ളത്. അതിനാല് വീടിന് നമ്ബര് ലഭിച്ചിരുന്നില്ല. കോര്പറേഷന് ഉദ്യോഗസ്ഥര് വീട് അളന്നതോടെ അനുവദിച്ച പെര്മിറ്റിലേതിനേക്കാള് വലുപ്പത്തിലാണ് നിര്മാണമെന്ന് വ്യക്തമായി. മൂന്നാംനിലയിലാണ് അധികനിര്മാണം നടത്തിയതെന്ന് കോര്പ്പറേഷന് അധികൃതര് അറിയിച്ചു.
2016 ലാണ് ഷാജി ഭാര്യയുടെ പേരില് വീട് നിര്മാണം പൂര്ത്തീകരിച്ചത്. 3000 ചതുരശ്ര അടിയിലധികമുള്ള വീടിന് ആഡംബര നികുതിയടക്കണം. എന്നാല്, നിര്മാണം പൂര്ത്തീകരിച്ച് നാലുവര്ഷമായിട്ടും കെട്ടിടനികുതിയും ആഡംബര നികുതിയും അടച്ചിട്ടില്ലെന്നാണ് കണ്ടെത്തല്.
കണ്ണൂര് അഴീക്കോട് മണ്ഡലത്തിലെ ഒരു സ്കൂളിന് പ്ലസ്ടു അനുവദിക്കാന് 25 ലക്ഷം കൈപ്പറ്റിയെന്ന ആരോപണത്തില് കെ.എം. ഷാജി എം.എല്.ക്കെതിരെ ഇ.ഡി അന്വേഷണം തുടരുകയാണ്.