സ്വര്‍ണക്കടത്ത് കേസിലെ പ്രതി സന്ദീപ് നായരെ ചോദ്യം ചെയ്യാന്‍ ക്രൈംബ്രാഞ്ചിന് നല്‍കിയ അനുമതി റദ്ദാക്കണമെന്നാവശ്യപ്പെട്ട് എന്‍ഫോഴ്‌സ്‌മെന്റ് ഡയറക്ടറേറ്റ് ഇന്ന് കോടതിയെ സമീപിക്കും. കോടതിയെ തെറ്റിദ്ധരിപ്പിച്ചാണ് ക്രൈംബ്രാഞ്ച് അനുമതി വാങ്ങിയതെന്നാണ് ഇ ഡിയുടെ ആരോപണം.
ഇതിനിടെ ജയിലിലെത്തി ക്രൈംബ്രാഞ്ച് സംഘം സന്ദീപിനെ ചോദ്യം ചെയ്തു. മുഖ്യമന്ത്രിയുടെ അടക്കം പേര് പറയാന്‍ ഇ ഡി സമ്മര്‍ദം ചെലുത്തിയെന്ന് സന്ദീപ് മൊഴി നല്‍കിയെന്നാണ് സൂചന. ക്രൈംബ്രാഞ്ച് ഇന്ന് കോടതിയില്‍ റിപ്പോര്‍ട്ട് നല്‍കിയേക്കും.
