കോഴിക്കോട്: ബ്രൂവറി, ഡിസ്റ്റിലറി അനുമതി തത്വത്തില്‍ മാത്രമെന്ന് എക്സൈസ് മന്ത്രി ടി.പി. രാമകൃഷ്ണന്‍. ബ്രൂവറിക്ക് ലൈസന്‍സ് നല്‍കിയിട്ടില്ല. എല്ലാ നിയമവും പാലിച്ച്‌ മാത്രമേ ബ്രൂവറിക്ക് ലൈസന്‍സ് അനുവദിക്കുകയുള്ളുവെന്നും അദ്ദേഹം പറഞ്ഞു.
സംസ്ഥാനത്തിന്‍റെ താത്പര്യത്തിന് എതിരായി ഒരു നടപടിയും സര്‍ക്കാരിന്‍റെ ഭാഗത്തുനിന്ന് ഉണ്ടാക്കില്ല. പ്രതിപക്ഷത്തിന്‍റെ ആരോപണങ്ങളും പരിശോധിക്കും. ശ്രീചക്രയുമായി ബന്ധപ്പെട്ട ആരോപണങ്ങള്‍ അന്വേഷിക്കുമെന്നും അപാകതയുണ്ടെങ്കില്‍ അനുമതി റദ്ദാക്കുമെന്നും മന്ത്രി കൂട്ടിച്ചേര്‍ത്തു.
