കേരള ഹൈകോടതിയിലുണ്ടായ സംഘര്ഷങ്ങളില് ജുഡീഷ്യല് അന്വേഷത്തിന് ശുപാര്ശ. അക്രമങ്ങളെക്കുറിച്ച് റിട്ട. ജഡ്ജിയെക്കൊണ്ട് അന്വേഷിപ്പിക്കാനാണ് അഡ്വക്കറ്റ് ജനറല് സുധാകര് പ്രസാദ് ശുപാര്ശ ചെയ്തത്. പ്രശ്നപരിഹാരത്തിന്റെ ഭാഗമായാണ് നടപടിയെന്നും ഇക്കാര്യം അഭിഭാഷക അസോസിയേഷനെ അറിയിച്ചിട്ടുണ്ടെന്നും അദ്ദേഹം അറിയിച്ചു.
അഭിഭാഷകര്ക്കും മാധ്യമപ്രവര്ത്തകര്ക്കും പൊലീസിനും തെറ്റ് പറ്റിയതായി എജി പറഞ്ഞു. തെറ്റ് പറ്റിയവര്ക്ക് അത് തിരുത്താന് അവസരമൊരുങ്ങുമെന്നും എജി വ്യക്തമാക്കി. ഹൈകോടതിയുടെ അഡ്മിനിസ്ട്രേറ്റീവ് കമ്മിറ്റി വ്യാഴാഴ്ച തന്നെ യോഗം ചേര്ന്ന് ഇക്കാര്യത്തില് അന്തിമതീരുമാനമുണ്ടാക്കുമെന്നും അദ്ദേഹം കൂട്ടിച്ചേര്ത്തു. അതേസമയം, സംഭവത്തില് പ്രതിഷേധിച്ച് ഒരു വിഭാഗം അഭിഭാഷകര് ഇന്ന് ഹൈക്കോടതി നടപടികള് ബഹിഷ്കരിക്കുമെന്ന് പ്രഖ്യാപിച്ചിട്ടുണ്ടെങ്കിലും സമരവുമായി സഹകരിക്കില്ലെന്ന് എറണാകുളം ബാര് അസോസിയേഷന് അറിയിച്ചു.
