ഹിസ്ബുല് മുജാഹിദീന് കമാന്ഡറുടെ വധത്തെ തുടര്ന്ന് കശ്മീരില് വെള്ളിയാഴ്ച തുടങ്ങിയ സംഘര്ഷങ്ങള്ക്ക് മൂന്നാം ദിവസവും ശമനമായില്ല. കഴിഞ്ഞ ദിവസം ഒമ്പതുപേര്കൂടി കൊല്ലപ്പെട്ടതോടെ സംഘര്ഷങ്ങളില് മരിച്ചവരുടെ എണ്ണം 30 ആയി. പരിക്കേറ്റ് വിവിധ ആശുപത്രികളില് കഴിയുന്നവര് 300 കടന്നു. തിങ്കളാഴ്ചയും താഴ്വരയിലെ വിവിധ ഭാഗങ്ങളില് സുരക്ഷാസേനയും പ്രക്ഷോഭകരും ഏറ്റുമുട്ടി. സോപോറിലെ പൊലീസ് സ്റ്റേഷനും പുല്വാമയിലെ വ്യോമസേനയുടെ വിമാനത്താവളത്തിനും നേരെ കഴിഞ്ഞ ദിവസം ആക്രമണമുണ്ടായി.സംഘര്ഷബാധിത പ്രദേശങ്ങളില് കര്ഫ്യൂ നിയന്ത്രണങ്ങള് തുടരുകയാണ്.
