കൊച്ചി: ശബരിമലയില് യുവതീ പ്രവേശനത്തെ പിന്തുണച്ച യുവാവിന് നേരെ ആക്രമണം. യുവതീ പ്രവേശന വിഷയത്തില് കൊച്ചിയില് വാര്ത്താസമ്മേളനം നടത്തിയ യുവതികള്ക്കൊപ്പമുണ്ടായിരുന്ന നിലമ്പൂര് കാരക്കോട് സ്വദേശി സംഗീതിന് നേരെയാണ് ആക്രമണമുണ്ടായത്.
പരിക്കേറ്റ സംഗീതിനെ നിലമ്പൂര് താലൂക്ക് ആശുപത്രിയില് പ്രവേശിപ്പിച്ചു. കാരക്കോട് ഉത്സവത്തിനിടെയായിരുന്നു ആക്രമണമുണ്ടായത്. വാര്ത്താസമ്മേളനം നടത്തിയതിനു പിന്നാലെ സംഗീത് ജോലിചെയ്യുന്ന സ്ഥാപനത്തിലേക്ക് നാമജപപ്രതിഷേധം നടന്നിരുന്നു.
കണ്ണൂര് സ്വദേശി രേഷ്മാ നിഷാന്ത് അടക്കമുള്ള മൂന്നു യുവതികളാണ് കൊച്ചിയില് വാര്ത്താസമ്മേളനം നടത്തിയത്. ശബരിമലയില് പോകുമെന്ന് നേരത്തെ പ്രഖ്യാപിച്ചിരുന്ന ഇവര് പിന്നീട് ഇതില്നിന്ന് പിന്മാറിയിരുന്നു.
