മഞ്ചേശ്വരം: ശബരിമലയിലെ ആചാരം സംരക്ഷിച്ച് ആര്ക്ക് വേണമെങ്കിലും പ്രവേശനമാകാമെന്ന് മഞ്ചേശ്വരത്തെ എല്ഡിഎഫ് സ്ഥാനാര്ഥി ശങ്കര് റെ. കാസര്കോട് പ്രസ് ക്ലബ്ബില് നടന്ന സ്ഥാനാര്ത്ഥികളുടെമുഖാമുഖം പരിപാടിയിലാണ് അദ്ദേഹം ഇക്കാര്യം വ്യക്തമാക്കിയത്.ശബരിമലയില് വിശ്വാസമുള്ളവര്ക്ക് അവിടത്തെ ആചാരങ്ങളനുസരിച്ച് പോകാം. പോകുന്നവര് അത് പാലിക്കണമെന്നുള്ള വിശ്വാസം എനിക്കുണ്ട്. അത് പാലിക്കാതെ ആര് പോയാലും തെറ്റാണെന്നും അദ്ദേഹം പറഞ്ഞു.
‘ഞാന് ശബരിമലയില് പോയ ഒരാളാണ്. യഥാര്ത്ഥ വിശ്വാസമുള്ള, വിശ്വാസിയായ കമ്മ്യൂണിസ്റ്റാണ്. അമ്ബലക്കമ്മിറ്റി പ്രസിഡന്റാണ്. ഇതിനൊന്നും എന്റെ പാര്ട്ടിയില് നിന്ന് എനിക്ക് വിലക്കുണ്ടായിട്ടില്ല’- ശങ്കര് റൈ പറഞ്ഞു.കോടതി വിധി നടപ്പാക്കേണ്ടതാണ്. അതിനെ കുറിച്ച് സര്ക്കാരാണ് പറയേണ്ടത്. നിലവിലുള്ള രീതി തുടരട്ടെയെന്നാണ് തന്റെ അഭിപ്രായമെന്നും; ശങ്കര് റെ വ്യക്തമാക്കി.
