വിവാദ പരാമര്ശത്തിന്റെ പേരില് മുന് ഡി.ജി.പി ടി.പി സെന്കുമാറിനെതിരെ കേസെടുക്കാമെന്ന് സര്ക്കാറിന് നിയമോപദേശം. ഡയറക്ടര് ജനറല് ഓഫ് പ്രോസിക്യൂഷന് മഞ്ചേരി ശ്രീധരന് നായരാണ് നിയമോപദേശം നല്കിയത്. മതസ്പര്ധ വളര്ത്തുന്ന തരത്തിലുള്ള പ്രസംഗമാണ് സെന്കുമാര് നടത്തിയതെന്ന് ചൂണ്ടിക്കാട്ടിയ ഡി.ജി.പി കേസെടുക്കാവുന്ന കുറ്റങ്ങളാണ് സെന്കുമാറിനെതിരെ ആരോപിക്കപ്പെട്ടിരിക്കുന്നതെന്ന് നിയമോപദേശത്തില് പറയുന്നു.
മതവികാരത്തെ വ്രണപ്പെടുത്തുന്ന പ്രസ്താവനയാണ് ഉണ്ടായിരിക്കുന്നതെന്ന് ഡി.ജി.പി വ്യക്തമാക്കുന്നു. റിപ്പോര്ട്ടിന്റെ അടിസ്ഥാനത്തില് വാരികയുടെ പ്രസാധകനെയും സെന്കുമാറിനെയും പ്രതിചേര്ത്ത് കേസെടുക്കാമെന്നാണ് നിയമോപദേശം.
