വയനാടിനായി ഇതുവരെ ലഭിച്ചത് 142.20 കോടി രൂപയെന്ന് മുഖ്യമന്ത്രി പിണറായി വിജയൻ. ദുരന്തബാധിതര്ക്ക് സഹായവുമായി ധാരാളം കുട്ടികളാണ് മുന്നോട്ട് വരുന്നത്. മലപ്പുറം പെരിന്തല്മണ്ണയിലെ പത്ത് വയസുള്ള സിയാ സഹ്റ, രക്ഷിതാക്കളായ മുഹമ്മദ് നിസാര്, ജസീല എന്നിവര്ക്കൊപ്പമെത്തി തന്റെ സ്വര്ണ്ണ പാദസരം ദുരിതാശ്വാസ നിധിയിലേക്ക് കൈമാറി.
ആരോഗ്യപ്രശ്നങ്ങള് നേരിടുന്ന കുട്ടിയാണ്. ഇവിടെ ആര് സി സിയിലാണ് കുട്ടിയുടെ ചികിത്സയ്ക്കാവശ്യമായ മരുന്നുകള് ലഭിക്കുന്നത്. കൊവിഡ് ലോക്ഡൗണ് കാലത്ത് മരുന്ന് ലഭ്യമാകാത്ത സഹചര്യം ഉണ്ടായി. തുടര്ന്ന് ഇവിടെ ബന്ധപ്പെട്ട് വേഗത്തില് തന്നെ മരുന്ന് ലഭ്യമാക്കിയത് രക്ഷിതാകള് പ്രത്യേകം ഓര്മ്മപ്പെടുത്തുകയുണ്ടായെന്നും മുഖ്യമന്ത്രി പറഞ്ഞു.
