തിരുവനന്തപുരം: ജനുവരി 1ന് നടത്താനിരുന്ന സാങ്കേതിക സര്വ്വകലാശാല എഞ്ചിനീയറിംഗ് പരീക്ഷകള് വനിതാ മതില് കാരണം മാറ്റി. അന്ന് നടത്തേണ്ടിയിരുന്ന പരീക്ഷകള് 14ന് നടത്താനാണ് തീരുമാനം. അവധിയും ദേശീയ പണിമുടക്കും കണക്കിലെടുത്താണ് പരീക്ഷ മാറ്റിയതെന്നാണ് സര്വ്വകലാശാല നല്കുന്ന വിശദീകരണം. എന്നാല് ജനുവരി 8,9 നാണ് ദേശീയ പണിമുടക്കിന് ആഹ്വാനം ചെയ്തിരിക്കുന്നത്. അവധിക്ക് ശേഷം കോളെജുകള് തുറക്കുന്നത് 31 നുമാണ്.
വനിതാ മതിലിനായി സര്ക്കാര് സംവിധാനങ്ങളെ ഉപയോഗിക്കുന്നെന്ന പ്രതിപക്ഷത്തിന്റെ ആരോപണം ശക്തമായി പിന്തുണയ്ക്കുന്ന രീതിയിലാണ് റിപ്പോര്ട്ടുകള് പുറത്ത് വരുന്നത്. വനിതാ മതിലിനായി ആംബുലന്സുകള് നല്കണമെന്ന് കോഴിക്കോട് ജില്ല മെഡിക്കല് ഓഫിസറുടെ ഉത്തരവിട്ട നടപടിക്കെതിരെയും വിമര്ശനം ഉയരുന്നുണ്ട്. അതേസമയം ധാരാളം ആളുകള് കൂടുന്നിടത്ത് മെഡിക്കല് സംഘവും ആംബുലന്സുകളും തയ്യാറാക്കി നിര്ത്തുന്നത് സ്വാഭാവിക നടപടിയാണെന്ന് ആരോഗ്യ മന്ത്രി കെ കെ ഷൈലജ വിശദമാക്കി.
