തിരുവനന്തപുരം: സംസ്ഥാനത്തു മദ്യവില്പ്പന വ്യാഴാഴ്ച മുതല് പുനരാരംഭിക്കും. ബുധനാഴ്ച ചേര്ന്ന മന്ത്രിസഭായോഗം ഇതിന് അനുമതി നല്കി. എക്സൈസ് മന്ത്രി ടി.പി. രാമകൃഷ്ണന് വൈകിട്ട് മൂന്നരയ്ക്ക് മാധ്യമങ്ങളെ കണ്ട് വര്ച്വല് ക്യൂ സംവിധാനം സംബന്ധിച്ച കൂടുതല് വിവരങ്ങള് വ്യക്തമാക്കും.
മദ്യവില്പനയ്ക്കായി ഏര്പ്പെടുത്തിയ വര്ച്വല് ക്യൂ സംവിധാനമായ ബെവ്ക്യൂ മൊബൈല് ആപ്ലിക്കേഷനു ഗൂഗിളിന്റെ അനുമതി ലഭിച്ചതിനു പിന്നാലെയാണ് മന്ത്രിസഭായോഗവും അനുമതി നല്കുന്നത്. പ്ലേസ്റ്റോറില്നിന്നു ബെവ്ക്യൂ ആപ് ഡൗണ്ലോഡ് ചെയ്താണ് വര്ച്വല് ക്യൂവില് ഇടംപിടിക്കേണ്ടത്. കഴിഞ്ഞ തിങ്കളാഴ്ച മദ്യവില്പ്പന പുനരാരംഭിക്കാന് സര്ക്കാര് ഉത്തരവ് ഇറക്കിയിരുന്നു. ബാറുകള്, ബിവറേജസ് കണ്സ്യൂമര് ഫെഡ് ഒൗട്ട്ലെറ്റുകള്, ബിയര്-വൈന് പാര്ലറുകള് എന്നിവിടങ്ങളിലെ തിരക്ക് കുറയ്ക്കാന് തയാറാക്കിയ ആപ്പിനു ഗൂഗിള്പ്ലേ സ്റ്റോറിന്റെ അനുമതി ലഭിക്കാത്തതിനാല് മദ്യവില്പ്പന ആരംഭിക്കാന് കഴിഞ്ഞില്ല.
