ബസ് ചാര്ജ് വര്ധന സംബന്ധിച്ച ഉത്തരവ് ഹൈക്കോടതി ഡിവിഷന് ബെഞ്ച് സ്റ്റേ ചെയ്തു. സിംഗിള് ബെഞ്ച് ഉത്തരവാണ് ഡിവിഷന് ബെഞ്ച് സ്റ്റേ ചെയ്തത്. സര്ക്കാരിന്റെ അപ്പീലിലാണ് ഹൈക്കോടതി നടപടി.
ലോക് ഡൌണിലെ അസാധാരണമായ സാഹചര്യം കണക്കിലെടുത്താണ് ബസ് ചാര്ജ് 50 ശതമാനം വര്ധിപ്പിച്ചതെന്നും നിയന്ത്രണങ്ങള് മാറിയ പശ്ചാത്തലത്തിലാണ് ചാര്ജ് വര്ധനവ് പിന്വലിച്ചതെന്നും ചൂണ്ടിക്കാട്ടിയാണ് സര്ക്കാര് അപ്പീല് സമര്പ്പിച്ചത്. കോവിഡിന്റെ പശ്ചാത്തലത്തില് ബസ് ഉടമകള്ക്കുള്ള ടാക്സ് മൂന്ന് മാസത്തേക്ക് ഒഴിവാക്കി നല്കിയിട്ടുണ്ട്. അതിനാല് തന്നെ ഉടമകള്ക്ക് സാമ്പത്തിക ബുദ്ധിമുട്ട് ഉണ്ടാകുന്നില്ലെന്നും സര്ക്കാര് ചൂണ്ടിക്കാട്ടി.
ചാര്ജ് വര്ധന സംബന്ധിച്ച് ജസ്റ്റിസ് രാമചന്ദ്രന് കമ്മിറ്റി പരിശോധിച്ച് വരുകയാണെന്നും സര്ക്കാര് കോടതിയെ അറിയിച്ചു. സിംഗിള് ബഞ്ചിന്റെ ഉത്തരവ് നിയമപരമായി നിലനില്ക്കുന്നതല്ലെന്നും സര്ക്കാര് കോടതിയില് വ്യക്തമാക്കി.
