യുനൈറ്റഡ് നാഷന്സ്: ഫലസ്തീന് അഭയാര്ഥികളുടെ ക്ഷേമത്തിനായി പ്രവര്ത്തിക്കുന്ന യു.എന് സംഘടനക്ക് 50 ലക്ഷം (ഏകദേശം 34.13 കോടി രൂപ) ഡോളര് നല്കുമെന്ന് ഇന്ത്യ അറിയിച്ചു. പ്രതിവര്ഷം നല്കിവരുന്ന ഫണ്ട് തുക യു.എസ് വെട്ടിക്കുറച്ച സാഹചര്യത്തിലാണ് ഫലസ്തീനികള്ക്ക് ഇന്ത്യയുടെ സഹായഹസ്തം.
ഇന്ത്യയടക്കം 20 രാജ്യങ്ങളാണ് ഫണ്ടിലേക്ക് സഹായം നല്കാമെന്ന് അറിയിച്ചത്. യു.എന് സന്നദ്ധസംഘടനക്ക് നല്കിവരുന്ന തുക വര്ധിപ്പിക്കുമെന്ന് കഴിഞ്ഞ മാര്ച്ചില് ഇന്ത്യ പ്രഖ്യാപിച്ചിരുന്നു. നിലവില് 15 ലക്ഷം ഡോളറാണ് ഇന്ത്യ നല്കിയിരുന്നത്. യു.എസ് സാമ്ബത്തിക സഹായം വെട്ടിക്കുറച്ചതോടെ കടുത്ത സാമ്ബത്തിക പ്രതിസന്ധിയിലാണ് സംഘടന.
53 ലക്ഷം ഫലസ്തീനി അഭയാര്ഥികളുടെ ക്ഷേമത്തിനായാണ് ഫണ്ട് ഉപയോഗിക്കുന്നത്. ജനുവരിയിലാണ് സംഘടനക്ക് നല്കാന് തീരുമാനിച്ച തുകയില്നിന്ന് 6.5 കോടി ഡോളര് വെട്ടിക്കുറക്കുമെന്ന് ട്രംപ് ഭരണകൂടം അറിയിച്ചത്.
